其實買賣嘅嘢 ，人哋問過之後冇興趣，唔回覆你不斷追人哋 迫人哋答你， 人哋冇必要一定要答你喎？ 擺件貨出嚟，問下唔一定要買㗎嘛，亦都唔一定要答你話唔買㗎？ 唔通你入舖頭問，問完你走，你一定要講得好清楚話你唔買，點解 吾買？ 你件貨有人要㗎咪拿拿林賣畀人囉 ，唔需要追住我問㗎，冇人買嘅咪等一陣囉 ，睇下我會唔會要囉。我都冇反應咪即係唔要囉 ，做任何買賣都係㗎啦，我擺啲嘢出嚟賣，想人哋買， 人哋問完唔多回覆我，我就算㗎啦，除非我好急囉或者冇人問，我咪係咁追住人問，但係答唔答係人哋嘅自由，我都唔會怪人哋喎。。 既然你話要負評我，我都話好啦，冇所謂啦 ，因為你覺得唔開心呀，我諗你負評我，你會開心啲，發洩咗你嘅情緒 。咁都仲要畀你話？ 我係真心㗎喎，我見你唔開心，我先話叫你負評我 ，等你先發洩下情緒咋喎 ，我喺呢個網買賣幾年呀，從來唔會留言，亦都唔會要求人哋留言 ，亦都唔需要人評分我，亦都唔會評分人哋 。有乜好留嘅

既然你完全順利，為何你要說這樣的話，甚麼看過行家打底？